৩০ বছৰীয়া এগৰাকী মহিলাক ধৰ্ষণ কৰাৰ অপৰাধত পিতৃ-পুত্ৰৰ কঠোৰ কাৰাদণ্ড…
শুকুৰবাৰে উত্তৰ প্ৰদেশৰ ভাদোহী জিলাৰ এখন বিশেষ আদালতে এগৰাকী মহিলাৰ শহুৰেক আৰু তেওঁৰ স্বামী (পিতৃ-পুত্ৰ)ক মহিলাগৰাকীক ঘৰত বাৰে বাৰে ধৰ্ষণ কৰাৰ অপৰাধত দোষী সাব্যস্ত কৰি ক্ৰমে ১৪ বছৰ আৰু ১০ বছৰৰ পিতৃ-পুত্ৰক কঠোৰ কাৰাদণ্ডৰ শাস্তি প্ৰদান কৰে।
জিলা সহকাৰী চৰকাৰী অধিবক্তা পংকজ তিৱাৰীয়ে কয় যে, এই গোচৰত আদালতে জিলাখনৰ জ্ঞানপুৰ থানা এলেকাৰ চণ্ডাপুৰৰ নিবাসী অমৰনাথ (৬০)ক ১৪ বছৰৰ আৰু তেওঁৰ পুত্ৰ চন্দ্ৰৰাজ (৩৫)ক ১০ বছৰৰ কাৰাদণ্ডৰ শাস্তি প্ৰদান কৰি দুয়োজনকে জেললৈ পঠিওৱা হ’ব।
অমৰনাথক ২২ হাজাৰ আৰু চন্দ্ৰ ৰাজক ১২ হাজাৰ টকা জৰিমনা আদায় দিবলৈ নিৰ্দেশ দিয়াৰ সময়ত আদালতে কয় যে জৰিমনা পঞ্চাশ শতাংশ ক্ষতিপূৰণ হিচাপে ভুক্তভোগীক দিব লাগিব।
ঘটনাৰ সবিশেষ জনাই আৰক্ষী অধীক্ষক অনিল কুমাৰে কয় যে, চন্দাপুৰ গাঁৱৰ নিবাসী চন্দ্ৰ ৰাজৰ ৩০ বছৰীয়া পত্নীয়ে স্বামী আৰু শহুৰেকৰ বিৰুদ্ধে আক্ৰমণ আৰু বাৰে বাৰে ধৰ্ষণৰ অভিযোগ দাখিল কৰিছিল।
