পত্নীয়ে বনাবলৈ অস্বীকাৰ কৰিছিল কুকুৰাৰ মাংস ! খঙত স্বামীয়ে নিমৰ্মভাৱে প্ৰহাৰ কৰি পত্নীৰ ভাঙিলে হাত আৰু মূৰ
মহাৰাষ্ট্ৰত এক জঘন্য ঘটনা সংঘটিত হৈছে। হোলীৰ দিনা কুকুৰাৰ মাংস বনাবলৈ অস্বীকাৰ কৰাৰ বাবেই স্বামীয়ে মূৰ আৰু হাত ভাঙিলে পত্নীৰ। দৰাচলতে ঘটনাটো মহাৰাষ্ট্ৰৰ চন্দ্ৰপুৰত সংঘটিত হৈছে। ইয়াত বাস কৰা এজন যুৱকে বজাৰৰ পৰা কুকুৰাৰ মাংস আনিছিল।
ঘৰলৈ অহাৰ পিছত, তেওঁ পত্নীক কুকুৰাৰ মাংস বনাবলৈ কৈছিল। কিন্তু পত্নীয়ে তেওঁৰ স্বামীক কৈছিল যে খাদ্য সাজু আছিল।মই এতিয়া মাংস বনাব নোৱাৰো, মই ইয়াক সন্ধিয়া বনাব।
পত্নীয়ে কুকুৰাৰ মাংস বনাবলৈ অস্বীকাৰ কৰাত স্বামীৰ ইমান খং উঠিছিল যে সি ঘৰৰ চোতালত পৰি থকা লাঠি এডাল লৈ আহিছিল আৰু পত্নীক নিৰ্মমভাৱে মাৰিবলৈ আৰম্ভ কৰিছিল। খঙত পাগল হৈ স্বামীগৰাকীয়ে তেওঁৰ পত্নীক মূৰত লাঠিৰে কেইবাবাৰো প্ৰহাৰ কৰিছিল,যাৰ ফলত পত্নীৰ মূৰ ভাঙি গৈছিল ।
স্বামীৰ প্ৰহাৰৰ ফলত মহিলাগৰাকীৰ এখন হাতও ভাঙি গৈছিল। স্থানীয় লোকসকলে ঘটনাটোৰ বিষয়ে আৰক্ষীক অৱগত কৰিছিল। পিছত আৰক্ষী ঘটনাস্থলীত উপস্থিত হৈছিল আৰু অভিযুক্ত স্বামীক গ্ৰেপ্তাৰ কৰিছিল। একে সময়তে,আঘাতপ্ৰাপ্ত মহিলাগৰাকীক চিকিৎসাৰ বাবে চিকিৎসালয়ত ভৰ্তি কৰোৱা হৈছে।
