স্বাস্থ্য কৰ্মীয়ে প্ৰদান কৰা টেবলেট খোৱাৰ পিছতে ৫০ জন শিক্ষাৰ্থী অসুস্থ হৈ পৰে

0
76
প্ৰতিনিধিত্বমূলক চিত্ৰ
প্ৰতিনিধিত্বমূলক চিত্ৰ

স্বাস্থ্য কৰ্মীয়ে প্ৰদান কৰা টেবলেট খোৱাৰ পিছতে ৫০ জন ছাত্ৰ অসুস্থ হৈ পৰে

চৰকাৰী সূত্ৰই জনোৱা মতে, চৰাইদেউ জিলাৰ দুখন বিদ্যালয়ৰ মুঠ ৫০ গৰাকী ছাত্ৰ-ছাত্ৰী স্বাস্থ্য বিভাগৰ কৰ্মীয়ে প্ৰদান কৰা আইৰন-ফলিক এচিড (আই এফ এ) টেবলেট সেৱন কৰি অসুস্থ হৈ পৰাৰ অভিযোগত কৰিছে।

অসুস্থ ৫০ জন ছাত্ৰ ছাত্ৰীক তৎকালীনভাৱে সোণাৰি অসামৰিক চিকিৎসালয়লৈ লৈ যোৱা হয়।

বিষয়াসকলে জনোৱা অনুসৰি, পাটছাকু ব্লক প্ৰাথমিক স্বাস্থ্য কেন্দ্ৰৰ অন্তৰ্গত বটাউ উপকেন্দ্ৰৰ পৰা স্বাস্থ্যকৰ্মীৰ এটা দলে খেৰাণীপথাৰ নিম্ন প্ৰাথমিক বিদ্যালয়ৰ ৭৫ গৰাকী আৰু নিমলিয়া নিম্ন প্ৰাথমিক বিদ্যালয়ৰ ২৬ গৰাকী ছাত্ৰ-ছাত্ৰীক আই এফ এ টেবলেট বিতৰণ কৰে।

শিক্ষকৰ উপস্থিতিত এই টেবলেট বিতৰণ কৰাৰ লগতে শিশুসকলক খালী পেটত সেৱন নকৰিবলৈ পৰামৰ্শ দিয়া হৈছিল।

স্বাস্থ্য বিভাগৰ এক বিবৃতিত কোৱা হৈছে যে পৰিস্থিতিৰ ওপৰত তদন্ত অৱ্যহত ৰখা হৈছে।