28 C
Guwahati
Wednesday, October 20, 2021
More

    গুৱাহাটীলৈ বুলি ৫০ লাখ টকাৰ সামগ্ৰী কঢ়িয়াই অনা ট্ৰাক মাজবাটতে সন্ধানহীন

    গুৱাহাটীলৈ বুলি ৫০ লাখ টকাৰ সামগ্ৰী কঢ়িয়াই অনা ট্ৰাক মাজবাটতে সন্ধানহীন। বিশ্বনাথৰ পৰা গুৱাহাটী আহি আছিল ট্ৰাকখন। পিছে মাজবাটতে ৰহস্যজনক ভাবে সন্ধানহীন হৈ পৰে।

    হেলেম চাহ বাগিচাৰ ৩ টন আৰু মোনাবাৰী চাহ বাগিচাৰ ১৫ টন মিলাই মুঠ ১৮ টন চাহপাত লৈ বিশ্বনাথৰ পৰা গুৱাহাটী লৈ বুলি আহি আছিল ট্ৰাকখন। পিছে বাৰচকীয়া পাঞ্জাৱ বডিৰ ট্ৰাক ৰহস্যজনক ভাবে সন্ধানহীন হোৱা ঘটনাই এতিয়া তীব্র চাঞ্চল্যৰ সৃষ্টি কৰিছে৷

    প্ৰায় ৫০ লাখ টকাৰ চাহপাত লৈ উধাও হোৱা গাড়ীখনৰ চালক জন কোকৰাঝাৰৰ চানোৱাৰ হুছেইন বুলি জানিব পৰা গৈছে। যি ঘটনাই এতিয়া তীব্ৰ চাঞ্চল্যৰ সৃষ্টি কৰিছে সমগ্ৰ বিশ্বনাথ জিলাত।

    প্ৰাপ্ত তথ্য অনুসৰি, যোৱা ২৭ জুনত ইষ্টাৰ্ন ৰোড কেৰিয়াৰৰ এজেণ্ট ৰামবাবুক লখিমপুৰৰ আলী নামৰ এজন দালালে গুৱাহাটীলৈ আনিবলৈ এ এচ ০১ ডি ডি ১৬৩৭ নম্বৰৰ ১২ চকাৰ পাঞ্জাৱ বডি ট্ৰাক খন যোগান ধৰে।

    সেই অনুসৰি যোৱা ২৭ জুনত হেলেম টি ইষ্টেটৰ ৩ টন আৰু ২৮ জুনত মোনাবাৰী টি ইষ্টেটৰ পৰা ১৫ টন চাহপাত ভৰ্তি কৰাই ২৮ জুনত গুৱাহাটী লৈ বুলি ৰাওনা হোৱাৰ পথত বিশ্বনাথৰ বাঘমাৰীত থকা হিন্দুস্তান পেট্ৰ’লিয়াম তেল ডিপুত তেল ভৰাবলৈ আহে।

    ডিপুটোতে এজেণ্ট গৰাকীয়ে গাড়ী খনৰ কাগজ পাতি পৰীক্ষা কৰি লোড কৰা সামগ্ৰীৰ চালান বনাই লগতে ১৫ হাজাৰ টকা আগধন দি গাড়ীখন গুৱাহাটীলৈ পঠিয়াই দিয়ে। সেই সময়তে ডিপুৰ চি চি টি ভি কেমেৰাতো বন্দী হয় ট্ৰাক খন আৰু চালক জন।

    কিন্তু ২৯ জুনত গাড়ীখন গন্তব্য স্থান নোপোৱাত হাহাকাৰ লাগে। লগে লগে চালক জনলৈ এজেণ্ট ৰাম বাবুয়ে ফোন কৰে যদিও মোবাইলৰ চুইছ অফ থাকে চালক জনৰ। ইয়াৰ পিছতে এজেণ্ট গৰাকীয়ে জিলা পৰিবহণ বিভাগৰ কাৰ্যালয়ত চালক আৰু গাড়ীখনৰ নথি পৰীক্ষা কৰি জানিব পাৰে যে গাড়ীখনৰ নথি পত্ৰ সম্পূৰ্ণ ভুৱা আৰু সেই একে নম্বৰৰ বেলেগ এখন গাড়ীও আছে।

    এনে স্থলত সমগ্র ঘটনাটো অধিক ৰহস্যময় হৈ পৰিছে । ইতিমধ্যে ইষ্টাৰ্ণ ৰোড কেৰিয়াৰ প্ৰাইভেট লিমিটেড নামৰ ট্ৰেন্সপোৰ্ট কোম্পানীৰ এজেন্টজনে জিনজিয়া থানাত দাখিল কৰা এজাহাৰ ভিত্তিত যোৱা ৩০ জুনত ৯৮/২০২১ গোচৰ ৰুজু কৰি আৰক্ষীয়ে তদন্ত অব্যাহত ৰাখিছে যদিও এই পৰ্যন্ত কোনো সন্ধান উলিয়াব পৰা নাই বুলি জানিব পৰা গৈছে।

    Input and Photo- Hassinur Alom

    আৰু পঢ়ক : কঠোৰ চৰকাৰ; পঞ্চায়ত আৰু গ্ৰামোন্নয়নৰ এজন বিডিঅ’ নিলম্বিত, দুজনক কৰ্মচাৰীক বৰ্খাস্ত

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ট্ৰেণ্ডিং